सलह किरा सम्बन्धी पाल्पा जिल्लामा हालको अवस्था
2077-03-18
2077-03-18
सलह किरा सम्बन्धी पाल्पा जिल्लामा हालको अवस्था
१.सलहको झुण्डहरु भारतको विभिन्न स्थानहरुवाट स्थानान्तरण हुदै गइरहेको र मौसम पूर्वानुमानका आधारमा सतहमा बुधवार देखि ३ दिन सम्म पूर्वि / दक्षिण पूर्विवायुको प्रभाव रहने भएकोले सलहका झुण्डहरु हावाको बहाव सगै पूर्वबाट पश्चिम तर्फ आउन सक्ने प्रबल सम्भावना भएकोले तल्लो पहाडी क्षेत्रमा सजग रहनका लागी स्थानीय तहमा कार्यरत कृषि प्राविधिकहरु सग निरन्तर समन्वय तथा सुचना आदान प्रदान भएको ।
२.सलह किराको झुण्डहरु देखिएको स्थान २०७७ साल आषाढ १३, १४ र १५ गते तिनाउ २ र ३ -झयाङला तथा दोभान, बगनासकाली १, २ तानसेन ८, ९ र १० . रामपुर नगरपालिका , रैनादेवी छहरा गाउँपालिका, १, ४ माथागढी गाउँपालिका सराइ बजार आसपास क्षेत्रमा साना झुण्डहरु दिखएकोमा हाल उक्त स्थानहरुमा सलह किराको झुण्डहरु देखिएको छैन ।_
३.सलहको झुण्डहरु दक्षिण रुपन्देही जिल्लावाट आएको, केही झुण्डहरु पाल्पा जिल्लामा बास बसेको तथा अन्य झुण्डहरु उत्तर - पश्चिम भेग तर्फ गएको तथापी हाल उपरोक्त स्थानहरुमा सलह किराको झुण्डहरु देखिएको छैन ।
४. सलह नियन्त्रण सम्बन्धमा मिति २०७७/३/१६ गतेका दिन गठित समितिको बैठक बसि निर्णय भएपछि निर्णय बमोजिम सुचना संकलन गर्ने , संचारमाध्यवाट जनचेतना मुलक सुचना प्रवाह गर्ने, स्थानीय तहहरुमा पत्राचार गरी सचेतना र सुचना मुलक सन्देश पठाएको ।
५.निर्णयानसार किरा नियन्त्रणको लागि कृषि ज्ञान केन्द्र पाल्पावाट १ थान फुट स्प्रेयर , न्यापस्याक स्प्रेयरहरु र आवश्यक बिषादी खरिद गरीएको र थप औजार उपकरण - पावर स्प्रेयर ल्याउने क्रममा रहेको । साथै प्रधानमन्त्री कृषि आधुनिकीकरण परियोजना कार्यान्वयन इकाइ, पाल्पावाट पावर स्प्रेयर तथा बिषादी खरिद गरिएको ।
६. स्थानीय तह तथा तहाँ कार्यरत कृषि प्राविधीकहरु संग निरन्तर समन्वयन तथा सुचना आदान प्रदान भएको ।