प्रजातन्त्र दिवस मनाउने सम्बन्धमा
2077-11-05
2077-11-05
आज मिति २०७७/११/५ गते का दिन प्रमुख जिल्ला अधिकारी श्री रमेश न्यौपानेज्युको अध्यक्षतामा प्रजातन्त्र दिवस मनाउने सन्दर्भमा तपसिल बमोजिमको उपस्थितिमा बैठक बसी तपसिल बमोजिमका बिभिन्न कार्यक्रम हरुगरी प्रजातन्त्र दिवस मनाउने निर्णय गरियो ।
उपस्थिति
राजनीतिक दलका प्रमुख तथा प्रतिनिधिहरु
सुरक्षा निकायका प्रमुखहरु
नेपाल पत्रकार महासंघ
उद्द्योग बाणिज्य संघ पाल्पा
व्यापार संघ पाल्पा
निर्णयहरु
१. जिल्लास्थित सबै सरकारी कार्यालय, सार्वजनिक एवं सामुदायिक संघ संस्था, शैक्षिक प्रतिष्ठान तथा निकायहरुमा राष्ट्रिय झन्डा फहराउने ।
२. जिल्ला सदरमुकामस्थित महत्वपूर्ण सार्वजनिक स्थलहरुको सरसफाई गरी सम्भाव्य स्थानहरुमा राष्ट्रिय झन्डा राखी सजावट सहित सौन्दर्यीकरण गर्ने व्यवस्था तानसेन नगरपालिकाले मिलाउने ।
३. नेपाल पत्रकार महासंघले प्रजातन्त्र दिवस संग सम्बन्धित सन्देशमुलक कार्यक्रमहरु प्रशारण गर्ने तथा स्थानीय एफ.एम. हरुसंग समन्वय गरी परिसंवाद कार्यक्रम गर्ने ।
४. फाल्गुन ६,७ र ८ गते साँझ जिल्ला स्थित सबै सरकारी कार्यालय, सार्वजनिक एवं सामुदायिक सघं संस्था, शैक्षिक प्रतिष्ठान तथा निकायहरुमा दिपावली गर्ने, साथै सवै जिल्लावासीहरुलाई घर-घरमा दिपावली गर्न आवह्वान गर्ने ।
५. उद्योग वाणिज्य संघ पाल्पा र व्यापार संघ पाल्पाले जिल्ला स्थित अस्पतालका विरामीहरुलाई फलफुल वितरण गर्ने व्यवस्था मिलाउने ।
६. शिक्षण तथा साहित्यिक संघ संस्थाहरुले दिवस केन्द्रित सृजनात्मक तथा रचनात्मक प्रतियोगितात्मक कार्यक्रमहरु संचालन गर्ने ।