2077-10-20
2077-10-20
तस्बिर :
आज मिति २०७७/१०/२० गते प्रमुख जिल्ला अधिकारी श्री रमेश न्यौपानेज्यूको नेतृत्वमा मालपोत कार्यालय पाल्पाको सेवाप्रवाहको अवस्थाको आकस्मिक अनुगमन सम्पन्न भएको छ ।
सुशासन ऐन तथा नियमावली बमोजिम कर्मचारीको उपस्थिति, सेवाप्रवाहको स्थिति लगायतका बिषयमाअनुगमन गरियो। अनुगमन पश्चात प्रमुख जिल्ला अधिकारी बाट देहाय बमोजिम निर्देशन भयो।
१. कार्यालय प्रमुखले समयपालन तथा अनुशासन कायम गर्न/ गराउन ध्यान दिने।
२. कर्मचारीहरुले अनिबार्य रुपमा निर्धारित पोशाक लगाउने व्यवस्था गर्ने।
३. कार्यालयले सरल, सहज तथा छरितो रुपमा सेवाप्रवाह गर्ने व्यवस्था मिलाउने । प्रमाण तथा कागजात पुगेका सेवाग्राहीलाई सोहि दिन सेवा दिने ।
४. बिशेष नापीबाट तयार भएको श्रेस्ता अविलम्ब कार्यान्वयनमा ल्याउने व्यवस्था मिलाउने।
५. सुशासन ऐन तथा नियमावली बमोजिम कार्यालय प्रमुखले सूचना प्रदान गर्ने, पारदर्शिता कायम गर्ने लगायतका सम्पादन गर्नुपर्ने कार्य समयमै सम्पन्न गर्ने।
