CCMC बैठक सम्बन्धमा
2077-04-29
2077-04-29
तस्बिर :
आज मिति २०७७ साल श्रावण २९ गतेका दिन कोभिड-१९ संक्रमण रोकथाम नियन्त्रण तथा उपचारमा सहजिकरण, सहयोग, समन्वय र अनुगमन लगायतका कार्यहरु प्रभावकारी रुपमा संचालन गर्नको लागि गठित CCMC को दुई पटक बैठक प्रमुख जिल्ला अधिकारी श्री रमेश न्यौपानेको अध्यक्षतामा बसी देहाय बमोजिम निर्णय गरियो ।
विहान ११:०० बजे बसेको प्रथम CCMC बैठकका निर्णयहरु
- यस जिल्लामा कोभिड-१९ बाट संक्रमण भएका व्यक्तिहरु ५६० जनाको उपचार भई हाल संक्रमितको संख्या एक रहेकोमा कोभिड-१९ जोखिम न्यूनिकरण, उपचार तथा क्वारेन्टिन र आईसोलेसन व्यवस्थापन तथा विभिन्न विपद् व्यवस्थापनका घटनामा योगदान गर्ने स्थानीय तह, सुरक्षाकर्मी, स्वास्थ्यकर्मी र सम्ब्द्ध पक्षलाई हार्दिक धन्यवाद दिने ।
- गृह मन्त्रालय (शान्ति सुरक्षा तथा अपराध नियन्त्रण शाखा) को च.नं. ३७९ मिति २०७७/०४/२८ को निर्णय कार्यान्वयन सम्बन्धमा लेखेको पत्र बैठकमा प्रस्तुत भई छलफल भयो । नेपाल सरकार मन्त्रिपरिषद्को मिति २०७७/४/२६ गतेको निर्णयहरु प्रभावकारी रुपमा कार्यान्वयन गर्ने ।
- गृह मन्त्रालय (शान्ति सुरक्षा तथा अपराध नियन्त्रण शाखा) को च.नं. ३८१ मिति २०७७/०४/२८ को कोभिड-१९ सुरक्षा मापदण्ड सम्बन्धमा लेखेको पत्रका बारेमा छलफल भयो । कोभिड-१९ महामारीको समयमा उद्योग वाणिज्य तथा आपूर्ति क्षेत्रले अपनाउनु पर्ने सुरक्षा मापदण्ड प्रभावकारी रुपमा कार्यान्वयन गर्ने ।
- हालको अवस्थामा कोभिड-१९ संक्रमणको जोखिम बढ्दै गईरहेकोले त्यसको रोकथाम र नियन्त्रणका लागि जिल्लाका प्रत्येक पालिकाहरुले बाहिरबाट आउने व्यक्तिहरुलाई क्वारेन्टिनमा राख्ने व्यवस्था गर्ने र संभावित संक्रमणलाई मध्यनजर गरी आईसोलेसन सेन्टरका लागि भवन सुनिश्चित गरी तयारी अवस्थामा राख्न अनुरोध गर्ने ।
- सार्वजनिक सेवा प्रवाह गर्दा कार्यालयले जोखिम न्यूनिकरणको व्यवस्था गर्ने । आवश्यकता अनुसार अनलाईन सेवा, टोकनको प्रयोग वा पालिकाहरुको वर्गिकरण गरी पालो तोकी सेवा प्रवाहको व्यवस्था मिलाउने र स्वास्थ्य सुरक्षाका मापदण्डहरु अनिवार्य रुपमा पालना गर्ने गराउने ।
- स्वाब संकलन गरी टेस्टको लागि पठाउँदा रिपोर्टका लागि स्वास्थ्य कार्यालयको समन्वयमा गर्ने गरी स्वास्थ्य कार्यालयले आवश्यक व्यवस्था मिलाउने ।
साँझ ७:०० बजे बसेको दोश्रो CCMC बैठकका निर्णयहरु
- स्वास्थय कार्यालय पाल्पाबाट प्राप्त जानकारी अनुसार पाल्पा जिल्ला तानसेन नगरपालिका वडा नं. ४ निवासी वर्ष ४० को महिलामा कोरोना संक्रमण देखिएकोले स्थानीय स्तरसम्म हुन सक्ने फैलावटलाई रोक्नका लागि तानसेन नगरपालिकाको पूर्वमा हुलाक चोक, पश्चिममा गौरिशंकर गेष्ट हाउस, उत्तरमा टक्सार माछा पसल र दक्षिणमा पेट्रोलपम्पको चारकिल्ला भित्रको बिशाल बजार क्षेत्र समेतमा अर्को निर्णय नभएसम्मको लागि आवागमन र सार्वजनिक कृयाकलाप बन्द हुने गरी मिति २०७७/०४/२९ साँझ ८ बजे देखि सील गर्ने निर्णय गरियो ।
- उक्त संक्रमित महिलाको सम्पर्कमा आएका अन्य व्यक्तिहरुको तानसेन नगरपालिकाले स्वास्थ्य कार्यालयको समन्वयम Contact Tracing गरी परीक्षणको व्यवस्था मिलाउने निर्णय गरियो ।
- उक्त क्षेत्र साथै जिल्लामा संक्रमण फैलिन नदिनका लागि स्वास्थ्य मापदण्ड अनिवार्य पालना गरी विशेष सतर्कता अपनाउन आह्वान गर्ने निर्णय गरियो ।
